Loading ...
Hipoteka e Korçës do të vijojë që të qëndrojë e mbyllur deri në datë 25 Tetor, pasi 6 punonjës rezultuan të infektuar me Covid-19 duke e çuar në 8 numrin në total të të infektuarve brenda këtij institucioni. Dy punonjëset e para që rezultuan pozitive u identifikuan në datën 15 Tetor.
Ditën e djeshme, drejtoria vendore e institutit të shëndetit publik në zbatim të masave për parandalimin e Covid 19 ka kërkuar mbylljen e këtij institucioni, ndërkohë që drejtoresha e ASHK-së Besa Spaho ka urdhëruar mbyllje nga data 21 deri në datën 25 Tetor.
Mëngjesin e sotëm pritet të bëhet dhe dezinfektimi i ambienteve. Po ashtu është marrë tamponi gjithë punonjësve të katit të parë, ndërkohë që gjithë personeli do të vendoset në vetëkarantinim deri ditën e hënë, atëherë kur pritet të nisë shërbimi për qytetarët./ db/Abcnews.al
