Loading ...Të gjithë e njohin, madje edhe toponimin e ka “tek Sahati”, por ka 30 vite që nuk është në funksion. Tashmë falë edhe këmbënguljes së Kryetarit të Bashkisë së Shkodrës, ora e qytetit do vihet në funksion. Me ndryshimin e sistemit dhe me nisjen e tranzicionit sahati i Shkodrës u nxor jashtë funksionit, por mekanizimi i tij është ruajtur falë familjes Skurraj.
Suzana Skurraj shprehet se kurdisja është bërë nga Naim Kotrri. Restauratori Petrit Bilali thotë se ka qenë kryetari i bashkisë Benet Beci që ka kërkuar të restaurohej mekanizmi.
Restauratori Bilali bëri pastrimin e mekanizmit të tij, ndërsa me ndihmën e orëndreqësit Besnik Sahatçia dhe mirëmbajtësit Ermir Dibra po punohet për rindërtimin e plotë të Sahatit të Shkodrës për ta bërë funksional në të njëjtin vend.
Sahati është pjesë e identiteti të metropolit të veriut. Ai ndodhet në lagjen “Rus i vogël”, qe nga vendasit njihet edhe si lagjja e sahatit, e tashmë kjo nuk do të jetë vetëm në kujtesën e më të vjetërve.
Mekanizmi do të bëhet pjesë e fondit të Muzeut të qytetit ndersa po punohet për rindërtimin e plotë të Sahatit të Shkodrës për ta bërë funksional në të njëjtin vend, në kullën e vogël ngritur enkas mbi pallatin 6 katësh në qendër të qytetit.
/abcnews.al/
