El Kun Aguero i dha fund aventurës me Manchester City dhe zgjodhi të vazhdojë karrierën te Barcelona. Harry Kane kryeson listën e dëshirave të kampionëve të Anglisë, por Tottenham kërkon shumë miliona për ta lënë të lirë kapitenit.
Klubi londinez po punon për të arritur një akord me Antonio Conten për stolin dhe një gjë e tillë pritet të sjellë qëndrimin e goleadorit anglez te Spurs. “Cityzens” nuk duan të mbeten pa alternativa dhe kanë hedhur sytë nga Bundesliga.
Bild zbulon objektivin e anglezëve, që është Andre Silva. Sulmuesi portugez shihet si zëvendësuesi perfekt i Agueros, teksa kartoni i tij kushton rreth 40 milion euro. 25-vjeçari mbylli një sezon fantastik në rrafshin personal, duke shënuar 28 gola në 32 ndeshje. /abcnews.al
