Reshjet e shiut që nisën sot rreth mesditës kanë mbuluar rrugët e Shëngjinit ndërsa pushuesit boshatisën plazhin.
Intensiteti i reshjeve dhe prurjet e shumta përmbytën rrugët ndërsa kanalizimet e ujërave të zeza që u bashkuan me ato të bardha dolën në sipërfaqe. Kjo krijoi një pamje jo të këndshme për zonën turistike të Shëngjinit dhe vështirësoi lëvizjen e qytetarëve dhe makinave.
Lexo edhe: Moti merr kthesë të papritur, reshjet pushtojnë Tiranën dhe jugun. Çfarë pritet nga nesër
Ashtu sikurse ishte parashikuar reshjet e dendura të shiut kanë përfshirë një pjesë të mirë të territorit të vendit ku në disa zona janë shfaqur edhe në formë shtrëngatash. Pak para mesditës, reshjet përfshinë edhe kryeqytetin duke i kapur të papërgatitur qytetarët, të cilët në mëngjes dolën më mëngë të shkurtra dhe pa çadra.
/abcnews.al
