Nga Stavros Atlamazoglou, 19fortyfive
Përktheu: Sonila Backa-abcnews.al
Një nga pasojat më të mëdha dhe të padëshiruara të pushtimit rus të Ukrainës ishte forcimi i aleancës ushtarake transatlantike të NATO-s .
Vitin e kaluar pakkush do ta kishte menduar se në harkun kohor prej 12 muajsh, do të kishte një rritje të shpenzimeve dhe angazhimit për të shpenzuar për mbrojtjen nga shtetet anëtare të NATO-s dhe se Finlanda dhe Suedia, do të aplikonin për anëtarësim në aleancën ushtarake transatlantike.
Por një NATO e shëndetshme dhe e fortë kërkon shpenzime të mëdha nga shtetet e saj anëtare.
Kërkesa e përmendur shpesh prej 2 për qind të produktit të brendshëm bruto të një vendi përmbushet vetëm nga një pjesë e vogël e vendeve anëtare të NATO-s. Në të kaluarën shumë të afërt, shifrat ishin dëshpëruese.
“E di që ka pasur shumë diskutime për shpenzimet e mbrojtjes brenda NATO-s kohët e fundit, kështu që më lejoni të them se rritja vetëm prej dy për qind e PBB-së është në normat e duhura, sipas mendimit tim.
Dhe është gjithashtu e rëndësishme të rritet vlera e financimit të përbashkët në mënyrë që NATO të ketë burimet që i nevojiten për të përmbushur detyrën që na kanë caktuar udhëheqësit tanë.
Dhe ne mbështesim plotësisht përpjekjet tuaja për të siguruar që NATO të ketë burimet që i nevojiten”, tha Sekretari i Mbrojtjes të SHBA-së Lloyd Austin në një konferencë të përbashkët për shtyp me Sekretarin e Përgjithshëm të NATO-s, Jens Stoltenberg.
Në të kaluarën shumë të afërt, shifrat ishin dëshpëruese. Për shembull, në vitin 2017, vetëm katër vende anëtare të NATO-s shpenzuan të paktën 2 për qind të prodhimit të tyre të brendshëm bruto për mbrojtje: Shtetet e Bashkuara (3.6%), Greqia (2.4%), Mbretëria e Bashkuar (2.1%) dhe Polonia (2.0). %).
Por këto shifra kanë filluar të ndryshojnë ndjeshëm. Në vitin 2021, dhjetë vende anëtare të NATO-s shpenzuan më shumë se 2 për qind të prodhimit të tyre të brendshëm bruto për mbrojtjen.
Këtu është një listë e dhjetë vendeve që kanë shpenzuar më shumë sipas fuqisë së tyre ekonomike.
Greqia — 3.82%
Shtetet e Bashkuara – 3.52%
Kroacia — 2,79%
Mbretëria e Bashkuar – 2.29%
Estonia – 2.28%
Letonia – 2.27%
Polonia – 2.10%
Lituania – 2.03%
Rumania — 2.02%
Franca – 2.01%
“Unë jam dakord me shumicën se në fakt 2% është minimumi, dhe për këtë arsye, ne duhet të sigurohemi që të vazhdojmë të sigurojmë që aleatët e NATO-s të investojnë më shumë.
Dhe në të gjithë Europën dhe Kanadanë, ne kemi parë tashmë për shtatë vite radhazi rritje të shpenzimeve të mbrojtjes dhe gjithnjë e më shumë aleatë po përmbushin udhëzimin prej dy për qindtë rritjes të PBB-së për mbrojtjen”, tha Stoltenberg.
Në shifra totale, SHBA-ja tejkalon çdo shtet tjetër anëtar të NATO-s .
Me një buxhet të mbrojtjes prej mbi 800 miliardë dollarë, SHBA shpenzon më shumë se nëntë vendet së bashku, e cila përfshin konkurrentët si Kina dhe Rusia , dhe aleatët e ngushtë, si Franca, Japonia, Gjermania dhe Mbretëria e Bashkuar, raporton abcnews.al.
Në fund të fundit, buxheti i mbrojtjes i SHBA-së pasqyron angazhimet globale të ushtrisë amerikane.
Stavros Atlamazoglou është një gazetar me përvojë i specializuar në operacione speciale , një veteran i ushtrisë greke (shërbimi kombëtar me Batalionin 575 të Marinës dhe Shtabin e Ushtrisë) dhe një i diplomuar në Universitetin Johns Hopkins.
/abcnews.al
