Ish-deputetja e PD, Grida Duma ka komentuar shifrat e publikuara nga kryeministri Rama për përhajen e Covid-19 në Shqipëri.
Teksa shifrat e kryeministrit ndryshojnë nga ato të publikuara nga ministria e Shëndetësisë, Duma i quan ato të Ramës “manipulim”.
Ish-deputetja demokrate thekson se “nuk është aspak papërgjegjshmëri as ngatërresë shifrash, është strategji malinje që tani nuk habit më askënd”.
Reagimi i Grida Dumës:
Grafiku dhe shifrat e publikuara nga Rama janë falsifikim, manipulim i shifrave të deklaruara nga vetë Ministria e tij.
Kjo nuk është aspak papërgjegjshmëri as ngatërresë shifrash, është strategji malinje që tani nuk habit më askënd.
Qëkur shteti drejtohet nga facebook-u dhe shifrat e pandemisë publikohen si të ishin sondazhe opinioni, fshehja dhe manipulimi i realitetit do jetë pasoja më e vogël.
Që të marrë fund loja me jetën e njerëzve duhet me forcë të bëjmë transparencë!
Duhet me forcë dhe domosdoshmëri ti vendosim në rolin e vet dinjitoz ekspertët dhe specialistët që ta drejtojnë situatën pa presionin e frikën se po thonë të vërtetën.
/abcnews.al
