Rusia ka regjistruar ditën e sotme një numër rekord rastesh me koronavirus.
Sipas të dhënave të raportuara nga autoritetet e shëndetit në vend, brenda 24 orëve janë konfirmuar me koronavirus 11,231 persona. Në total, numri i të infektuarve në Rusi rritet kështu në 177,160.
Po ashtu, brenda 24 orëve, si pasojë e Covid-19 kanë humbur jetën +88 persona ndërsa bilanci total i viktimave rritet në 1,625. Për disa ditë radhazi vendi po konfirmon mbi 10,000 raste me koronavirus në ditë ndërsa tashmë Rusia radhitet si vendi i pestë më i prekur nga virusi në botë.
Qeveria ruse ka vendosur masa kufizuese mbarëkombëtare deri më 12 maj, dhe Presidenti Vladimir Putin tha të mërkurën që këto masa mund të zgjaten dhe forcohen në disa rajone të vendit. /abcnews.al/
