Të paktën një person ka vdekur dhe 227 janë shtruar në spital pas një sëmundje misterioze që preku shtetin jugor të Indisë, Andhra Pradesh.
Pacientët kishin simptoma të ndryshme duke filluar nga të përzierat deri te fikëtit, sipas deklaratave të mjekëve. Zyrtarët po hetojnë shkakun e sëmundjes, e cila përfshiu qytetin Eluru gjatë fundjavës.
Situata është përkeqësuar edhe më tepër ndërsa India vazhdon të luftojë me situatën e shkaktuar nga koronavirusi, shteti i dytë më i prekur në botë.
Andhra Pradesh ka qenë një nga shtetet më të prekura – me më shumë se 800,000 të infektuar.
Por Covid-19 nuk është shkaku i shtrimeve në spital gjatë fundjavës. Ministri i shëndetësisë, Alla Kali Krishna Srinivas, tha se të gjithë pacientët kishin rezultuar negativë për koronavirus.
“Njerëzit që u sëmurën, veçanërisht fëmijët, papritmas filluan të kishin të vjella pasi u ankuan për djegie të syve. Disa prej tyre u ra të fikët,” tha një mjek në Spitalin Eluru.
70 njerëz kanë dalë nga spitali ndërsa 157 të tjerë janë ende në kujdesin e mjekëve, sipas zyrtarëve.
With more than 250 people now affected, the situation in #Eluru is worsening. I demand an impartial, full-fledged inquiry into the incident. Floods, cyclone or healthcare, the YSRCP Govt has been caught napping in emergency situations. (1/3)
— N Chandrababu Naidu #StayHomeSaveLives (@ncbn) December 6, 2020
Kryeministri i vendit, Jaganmohan Reddy, tha se ka dërguar ekipet speciale mjekësore në Eluru për të hetuar shkakun e sëmundjes. Reddy pritet gjithashtu të vizitojë qytetin për të parë nga afër gjendjen e pacientëve dhe familjeve të tyre.
Srinivas tha se nga mostrat e gjakut të pacientëve nuk kishin arritur të zbulonin asnjë gjurmë për të kuptuar nëse kishin të bënin me një infeksion viral.
“Ne përjashtuam ndotjen e ujit ose ndotjen e ajrit si shkakun kryesor pasi zyrtarët vizituan zonat ku njerëzit u sëmurën,” tha ai. “Është një sëmundje misterioze dhe vetëm analiza laboratorike do të zbulojë se çfarë është.”
Sidoqoftë, partia opozitare Telugu Desam ka bërë thirrje për një hetim mbi incidentin, duke këmbëngulur se ndotja ishte shkaku i sëmundjes misterioze./abcnews.al
