Gjykata e Apelit Vlorë ka dënuar me nga 18 vite burg Viktor Omerin dhe shokun e tij, Fadil Telushi, pasi në vitin 2007 vranë Kleo Gërdhuqin në Vlorë, pasi një sherri për motive pronësie mbi disa kullota.
Viktor Omeri bashkë me shokun e tij, kishte bashkëpronësi një tufë bagëtish dhe për ruajtjen e bagëtive të tyre ata kishin punësuar një person. Ngjitur me këtë kullotë ndodhej edhe një stan dhe kullota e Kleo Gërdhuqi.
Por në datën 9 gusht 2007, në afërsi të stanit, në vendin e quajtur “Moçale” në fshatin Bestrov të Vlorës, rreth orës 08:30 është vrarë me armë zjarri Kleo Gerdhuqi.
Ditën e ngjarjes vëllai i viktimës e kishte parë në rrugën kryesore bagëtitë e vëllait të tij, viktimës Kleo Gërdhuqi të pashoqëruara, kjo ka qene arsyeja që ai ka shkuar drejt vendit ku rrinte ai, duke e gjetur të vrarë në afërsi të stanit të tij.
Gjatë hetimi është mësuar se, në trupin e viktimës Gërdhuqi janë konstatuar tetë plagë me armë zjarri, në kokë, kraharor, bark dhe në gjymtyrë, të cilat kanë sjellë shokun hemoragjik, e më pas vdekjen./abcnews.al
