Sherr në shtëpi, gruaja 31-vjeçare plagos me thikë bashkëshortin

GREQI – Një ngjarje e përgjakshme është shënuar në një familje mbrëmjen e djeshme në Volos. Një grua 31-vjeçare raportohet se ka goditur me thikë bashkëshortin e saj.

Sipas ERT, 31-vjeçarja pas një sherri të rëndë që pati me bashkëshortin e saj 33-vjeçar në banesën e tyre, ka kapur një thikë dhe i ka plagosur në gjoks.

Pas kësaj ngjarje është njoftuar ambulanca dhe policia. I plagosuri është dërguar në spitalin Papanikolaou ku i është nënshtruar një operacioni të rëndë dhe tashmë po trajtohet jashtë rrezikut.

Ndërkohë 31-vjeçarja është arrestuar dhe do të dërgohet sot në prokurori./abcnews.al/