Përplasja e dhunshme fizike mes dy grupeve të armatosura shqiptare dhe greke në periferi të Athinës, ka nisur fillimisht mes dy shqiptarëve për disa problem financiare. Lajmi është bërë i ditur nga policia greke. Në këtë përleshje janë përdorur armë zjarri dhe thika, ku tre shtetas grekë dhe tre shqiptarë kanë mbetur të plagosur. Sipas mediave greke ngjarja ka ndodhur në orën 02:00 të natës.
Gjashtë të plagosurit ndodhen në spital ku njëri prej shtetasve shqiptarë është në gjendje kritike për jetën. Policia greke theksoi se incidenti nuk ka aspak të bëjë me vrasjen e minoritarit grek në Bularat nga policia shqiptare. Të gjashtë personat janë shpallur në gjendje arresti ndërsa hetimet vazhdojnë./abcnews.al
