Sarandë – Një pronar hoteli e ka pësuar keq sherrin që kishte me një punonjëse në biznesin e tij.
Sipas policisë rreth orës 09:20, në Ksamil, A. B. (e punësuar në këtë hotel), ka pasur një konflikt me pronarin K. Xh.
Por sherrin A.B nuk e ka lënë me kaq. Ajo ka shkuar në garazhin e hotelit dhe i ka vënë flakën makinës tip “Seat” që kishte në pronësi pronari i saj.
Për këtë ngjarje policia e Sarandës është vënë në ndjekje të gruas që kreu aktin e djegies së makinës.
Njoftimi i policisë:
Sarandë – Sot, rreth orës 09:20, në Ksamil, në garazhin e një hoteli, dyshohet se pas një konflikti për motive të dobëta, shtetasja A. B. (e punësuar në këtë hotel), i ka vënë zjarrin një automjeti të markës “Seat”, në pronësi të shtetasit K. Xh. (pronari i hotelit), banues në Sarandë.
Grupi hetimor po punon për zbardhjen e plotë të rrethanave të ngjarjes dhe kapjen e autores së dyshuar.
Materialet i kaluan Prokurorisë, për veprime të mëtejshme.
/abcnews.al/
