Shënohet viktima e parë nga Koronavirusi në një tjetër shtet

schedule17:41 - 13 Shkurt, 2020

schedule 17:41 - 13 Shkurt, 2020

Në Japoni është shënuar viktima e parë nga Koronavitusi me origjinë nga Kina. Viktima e konfirmuar është një e moshuar, rreth 80 vjeç, e cila jetonte në prefekturën Kanagawa afër Tokios.

Japonia është kështu vendi i tretë jashtë Kinës që regjistrohen viktima nga virusi vdekjeprurës, pasi më herët janë shënuar dy vdekje në Hong Kong dhe Filipine.

Sakaq, vijon të rritet numri i viktimave nga koronavirusi, vetëm në 24 orët e fundit janë regjistruar në Hubei 242 viktima të tjera, duke e çuar në mbi 1355 numrin e personave që kanë humbur jetën si pasojë e këtij virusi.

Epidemia shënoi në Kinë një nga sfidat më të mëdha, pasi kufizoi ekonominë e dytë më të madhe në botë./abcnews.al