SHBA i ka bërë thirrje qeverisë izraelite që të hetojë vdekjen e vajzës 5-vjeçare palestineze Hind Rajab, tha të hënën zëdhënësi i Departamentit të Shtetit, Matt Miller.
“Ne u kemi kërkuar autoriteteve izraelite që të hetojnë këtë incident në baza urgjente. Ne e kuptojmë se ata po e bëjnë këtë. Ne presim t’i shohim ato rezultate në kohën e duhur,” tha Miller.
Rajab u gjet e vdekur këtë fundjavë pasi u bllokua në një makinë në qytetin e Gazës me anëtarët e familjes së saj, të cilët thuhet se u qëlluan për vdekje nga forcat izraelite javë më parë.
“Ne jemi të shkatërruar nga raportet për vdekjen e Hind Rajab. Unë do t’ju them se unë kam një vajzë të vogël që është gati të mbush gjashtë vjeç. Më është thyer zemra,” tha Miller.
/abcnews.al
