Klientët dhe punonjësit e MGM Resorts International, një nga kompanitë më të mëdha të kazinove në botë, u përballën me probleme të shumta pasi shumë makina lojërash dolën jashtë funksionit.
Kompania lëshoi një deklaratë të shkurtër për X, duke fajësuar ndërprerjen për një “çështje të sigurisë kibernetike”, ndërsa shumë nga faqet e saj të internetit ishin të paarritshme.
Problemet për MGM nuk u kufizuan vetëm në Las Vegas, ku operon ndër të tjera resortet e kazinove Bellagio, Aria, Cosmopolitan dhe Excalibur, por edhe në Atlantic City, New Jersey dhe Ohio.
MGM ka qenë viktimë e hakerave edhe më parë, pasi në vitin 2019 u zbuluan të dhënat e rreth 10 milionë klientëve. Hakerët iranianë shënjestruan rivalin e Sheldon Aldson, Las Vegas Sands në 2014, pas komenteve që ai bëri për programin bërthamor të Republikës Islamike.
