Gjatë kërkimit për 2 adoleshentët e zhdukur policia zbulon shtatë trupa në një pronë në një qytet të vogël në Oklahoma.
Policia tha se adoleshentët që po kërkonin, Ivy Webster, 14 vjeç dhe Brittany Brewer, 16, ishin midis të vdekurve.
U gjet gjithashtu kufoma e Jesse McFadden, një kriminel dhe abuzues seksual, policia tha se vajzat po udhëtonin me të.
Policia nuk ka zbuluar shkakun e vdekjes.
Zyrtarët lokalë nuk kanë dhënë detaje për katër trupat e tjerë, të cilët ende nuk janë identifikuar.
Patrulla e autostradës së Oklahomas lëshoi një kërkim për personin e zhdukur të rrezikshëm dhe për dy adoleshentët të hënën.
Vajzat thuhet se e kishin kaluar fundjavën me McFadden, por nuk u kthyen më në shtëpi.
Autoritetet ekzekutuan një urdhër kontrolli për shtëpinë e McFadden pasi ai nuk u paraqit të hënën në mëngjes për të dalë në gjyq për akuzat me të cilat ai përballej.
Urdhri për shtëpinë e McFadden e çoi policinë në Henryetta, një qytet i vogël me rreth 6,000 banorë, ku zbuluan trupat e shtatë personave.
Sherifi i qarkut Okmulgee Eddy Rice tha se beson se Ivy dhe Brittany u gjetën në kërkim, por tha se ekzaminuesi mjekësor shtetëror do të duhet të konfirmojë identitetin e viktimave.
“Ne besojmë se kemi gjetur gjithçka që po kërkonim këtë mëngjes,” tha zoti Rice. “Zemrat tona shkojnë me familjet dhe miqtë, shokët e shkollës dhe të gjithë të tjerët.”
Nuk janë dhënë detaje të mëtejshme për rastin apo shkakun e vdekjes. /abcnews.al
