Ministrja e Jashtme e Kinës tha se ishte “imorale” të politizohej çështja e origjinës së virusit pasi 14 vende, përfshirë Shtetet e Bashkuara, ngritën shqetësime në një deklaratë të përbashkët mbi raportin e Organizatës Botërore të Shëndetësisë të publikuar të martën.
“Ne kemi theksuar në mënyrë të përsëritur se hetimi i origjinës së Covid është një çështje shkencore dhe duhet të kryhet në bashkëpunim me shkencëtarët globalë dhe nuk mund të politizohet, tha zëdhënësi i ministrisë së jashtme Hua Chunying në një konferencë të mërkurën.
Hua tha se deklarata e përbashkët është prova konkrete që vendet si SHBA “nuk respektojnë shkencën” dhe “përfshihen në manipulime politike”.
“Politizimi i hetimit të origjinës së Covid është imorale dhe jo e hijshme, e cila pengon bashkëpunimin dhe luftën globale kundër virusit,” tha Hua.
Qeveritë e shumë vendeve, përfshirë Shtetet e Bashkuara, Australinë dhe Kanadanë, shprehën shqetësimet në lidhje me raportin e OBSH-së dhe bënë thirrje për vlerësime të pavarura dhe plotësisht transparente në të gjitha të dhënat përkatëse në të ardhmen./abcnews.al
