Sekretari amerikan i Shtetit, Antony Blinken ka mbërritur në Izrael këtë të enjte.
Vizita e tij, vjen në kuadër të mbështetjejes për Izraelin, një aleat i SHBA-ve, shkruan Sky News.
Ai pritet të takohet me zyrtarë të lartë izraelitë gjatë vizitës së tij dhe gjithashtu do të përpiqet të ndihmojë në sigurimin e lirimit të pengjeve të rrëmbyer nga Hamasi.
Disa nga pengjet janë shtetas amerikanë.
Blinken do të ndihmojë edhe në sigurimin e kalimit të sigurt të civilëve të Gazës nga enklava përpara një pushtimi të mundshëm tokësor izraelit.
Gjithashtu, u njoftua mëngjesin e sotëm se ai do të takohet me Mahmoud Abbas, presidentin palestinez./abcnews.al
