Në 30 Dhjetor Akademia e Shkencave publikoi një studim ku theksonte se gjysma e Tiranës e ka kaluar koronavirusin. Kurse, në rang kombëtar imuniteti për Covid-19 po sipas studimit ishte rreth 25%.
Mjeku infeksionist Pëllumb Pipero i ftuar mbrëmjen e sotme në emisionin “Log.” u shpreh se ende nuk ka një studim të mirëfilltë në asnjë vend të botës për të ditur hap pas hapi sa është imuniteti natyral i fituar. Por edhe ai ra dakord se 25-30% e shqiptarëve kanë rënë tashmë në kontakt me koronavirusin.
“Ende nuk kemi një studim që të dimë sa % e popullatës e ka kaluar. Ai është bërë një studim, hapat e para të kësaj pandemie për të shikuar sa % e personave e kishin kaluar në atë fazë dhe në dijeninë time studim të mirëfilltë nuk ka në asnjë vend të botës për të ditur hap pas hapi sa është imuniteti natyral i fituar.
Në opinionin tim, ndoshta unë mendoj që Shqipëria duhet të jetë mbi 25-30% e rënë në kontakt. Ky është mendimi im” tha ai./ db/ Abcnews.al
