Rusia është vendosur në gjendje alarmi, duke anuluar fluturimet herët këtë mëngjes në aeroportin e Kazanit, pjesë e republikës së Tatarstanit. Mbyllja e aeroportit u bë për arsye sigurie, njoftuan agjencitë shtetërore ruse të lajmeve, duke cituar agjencinë ruse të aviacionit civil Rosaviatsia.
“Për të garantuar sigurinë e avionëve civilë asnjë fluturim nuk ulet apo ngrihet në aeroport nga ora 7 e mëngjesit”, njoftoi Rosaviatsia, sipas TASS.
Përveç kësaj, autoritetet në Moskë janë të shqetësuara pasi dronët ukrainas hodhën në erë depot naftëmbajtëse në një objekt magazinimi të karburantit në rajonin e Rostovit.
Overnight, Ukrainian strikes hit a fuel depot located near the Russian city of Kamensk-Shakhtinsky in Rostov Oblast, which resulted in a significant fire at the facility.
This fuel depot was already struck by the Ukrainians at the beginning of August, though the latest attack… pic.twitter.com/qA1W34dvos
— Status-6 (Military & Conflict News) (@Archer83Able) August 28, 2024
Siç njoftohet nga kanalet ruse në Telegram, njësitë ruse të mbrojtjes kundërajrore shkatërruan katër dronë mbi Rostov, por nuk mundën të ndalnin në tërësi sulmin e Kievit.
Ministria ruse e Mbrojtjes dhe guvernatori i Rostovit, Vasily Golubov njoftuan se sulmi me dronë ndodhi gjatë natës në një zonë magazinimi të hidrokarbureve.
Kanali “Baza” në Telegram, që besohet të jetë i lidhur me shërbimet ruse të sigurisë, raportoi se tre cisterna të mëdha po digjeshin në një depo karburanti në rrethin Kamensky të Oblastit pasi dy dronë u rrëzuan në zonë.
/abcnews.al
