Ministria e Jashtme ruse tha të mërkurën se rezultatet e samitit të NATO-s në Vilnius, Lituani, tregojnë se aleanca ushtarake “i është kthyer përfundimisht skemave të Luftës së Ftohtë”.
“Perëndimi kolektiv” i udhëhequr nga Shtetet e Bashkuara nuk është i gatshëm të durojë formimin e një bote shumëpolare dhe synon të mbrojë hegjemoninë e tij me të gjitha mjetet e disponueshme, përfshirë ato ushtarake,” tha ministria në një deklaratë, shkruan CNN.
“Përpjekjet e NATO-s për të mbuluar aspiratat dhe veprimet e tyre agresive me Kartën e OKB-së nuk qëndrojnë para shqyrtimit. Aleanca dhe organizata botërore nuk kanë asgjë të përbashkët”, thuhet më tej.
Në të njëjtën deklaratë, Ministria e Jashtme u shpreh se Moska do të analizojë me kujdes rezultatet e samitit në Vilnius dhe do të përgjigjet në kohën e duhur “duke përdorur të gjitha mjetet dhe metodat që kemi në dispozicion”./abcnews.al
