Rusia nisi të shtunën në orët e para të mëngjesit sulmin e saj më të madh me dronë në Ukrainë që nga fillimi i pushtimit të saj në shkallë të plotë në vitin 2022, duke synuar kryeqytetin ukrainas.
“Kiev ishte objektivi kryesor,” shkroi komandanti i Forcave Ajrore të Ukrainës, Mykola Oleshchuk.
Në total, Rusia lëshoi rreth 75 drone Shahed të prodhuar nga Irani kundër Ukrainës, nga të cilët 71 u shkatërruan nga mbrojtja ajrore.
Ky ishte “sulmi më masiv me dronë në Kiev”, tha Serhii Popko, kreu i administratës së qytetit të Kievit, duke vënë në dukje se mbrojtja ajrore rrëzoi më shumë se 60 objektiva ajrore.
Sulmi në Kiev filloi në orën 4 të mëngjesit, duke vazhduar për më shumë se gjashtë orë dhe shkaktoi ndërprerje të energjisë në 77 ndërtesa banimi dhe 120 institucione, sipas Popko.
Të paktën pesë civilë u plagosën në Kiev, mes tyre një11-vjeçar, sipas kryebashkiakut të Kievit, Vitali Klitschko.
“Ushtarët tanë rrëzuan shumicën e dronëve. Fatkeqësisht, jo të gjitha”, shkroi presidenti ukrainas Volodymyr Zelenskyy në Telegram.
“Por ne do të vazhdojmë të punojmë për të forcuar mbrojtjen tonë ajrore”, tha ai.
Përveç Kievit, në shënjestër u vunë edhe rajonet Sumy, Dnipropetrovsk, Zaporizhzhia, Mykolaiv dhe Kirovohrad.
Sulmi u krye në mëngjesin e Ditës Përkujtimore të Holodomor, e cila përkujton krizën e urisë në Ukrainën Sovjetike që shkaktoi miliona ukrainas nga viti 1932 deri në 1933.
/abcnews.al
