Loading ...
Moska do të hapë një kamp ushtarak për të rinjtë në Krimenë e pushtuar, ku ata do të indoktrinohen me ideologjinë ushtarake ruse, ka pohuar një zyrtar ukrainas. Kampi me 100 të rinj, do të kryejë programe “riedukimi” dhe do të japë mësime mbi bazat e shërbimit ushtarak, tha avokati i popullit Dmytro Lubinets.
Ai i karakterizoi programet si propagandë që synon fshirjen e identitetit ukrainas midis të rinjve të Krimesë. Krimea u aneksua nga Rusia në vitin 2014 dhe Moska që atëherë është përpjekur të shtyjë propagandën ndaj atyre që jetojnë nën okupim.
“Militarizimi i arsimit nga Rusia dhe futja e ideologjisë së saj tek fëmijët në territoret e okupuara përkohësisht të Ukrainës është një krim lufte, sipas ligjit ndërkombëtar humanitar”, theksoi Lubinets.
