Të armatosur me mitralozë, forcat e mbështetura nga Moska po shkojnë shtëpi më derë në Ukrainën e pushtuar dhe po detyrojnë qytetarët të votojnë në “referendume”.
Burime të gazetës britanike “Telegraph” thanë se referendumet për aneksimin nga Rusia të rajoneve të Ukrainës po zhvillohen duke përdorur armë. E njëjta situatë është raportuar nga zyrtarët lokalë ukrainas, si dhe postimet në rrjetet sociale.
Ukrainian media spread video of a “referendum” in #Zaporizhzhia region
In the occupied territories of #Ukraine, collaborators go door-to-door with armed #Russian soldiers or local police and force local residents to vote. pic.twitter.com/dfjaYTUagJ
— NEXTA (@nexta_tv) September 23, 2022
Në të njëjtën kohë, mediat ukrainase kanë publikuar video. Votimi, të cilin Ukraina dhe Perëndimi e kanë përshkruar si një ” referendum të rremë “, filloi të premten në mëngjes dhe pritet të vazhdojë deri të martën, në zonat e kontrolluara nga Rusia në Kherson, Luhansk, Zaporizhia dhe Donetsk.
Në qendrat e votimit qytetarët hyjnë për të votuar në kuti transparente, ndërsa jashtë qëndrojnë roje të armatosura. Ukrainasit kanë pohuar se u është thënë se nëse refuzojnë të votojnë familjet e tyre do të vriten.
Kryetari i bashkisë së Luhanskut Sergey Haidai në një postim në Telegram tha se forcat ruse po i detyrojnë banorët të votojnë dhe gjithashtu theksoi se atyre u ndalohet të largohen nga rajoni gjatë periudhës së referendumit, midis 23 dhe 27 shtatorit.
/abcnews.al
