Numri i të infektuarve me koronavirus po rritet në mënyrë drastike në Greqinë fqinje. Mediat në vend raportojnë se numri i rasteve për 24 orët e fundit ishte 25,566. Duke e çuar kështu totalin në 3,755,074, prej të cilëve 48.5% janë meshkuj.
Rastet pozitive patën një ulje përgjatë të premtes, së shtunës dhe të dielës, për t’u trefishuar më pas të hënën.
Po ashtu, bëhet e ditur se si pasojë e koronavirusit në 24 orët e fundit kanë humbur jetën 19 qytetarë ndërsa totali shkon në 30,349 që nga fillimi i pandemisë. Prej rasteve fatale, 95.7% kishin sëmundje shoqëruese dhe/ose ishin mbi 70 vjeç. /abcnews.al/
