Nga Erblina Mile
Rritja e normës së interesit nga 0.5% në 1% do shtrenjtojë kreditë në lekë dhe do rrisë kriteret e përzgjedhjes së klientëve nga bankat. Sekretari i përgjithshëm i Shoqatës së Bankave Spiro Brumbulli thekson se një masë e tillë është e domosdoshme në një situatë krize.
Një masë e tillë mund të reflektohet në treg brenda muajit dhe mund te ndikoj edhe në ulje të kreditimit.
Nëse konflikti Rusi -Ukrainë mund të vazhdoj Banka e Shqipërisë mund të ndërhyj sërish në rishikimin e normës së interesit.
Duke ndryshuar normën bazë, banka qendrore ndikon të gjitha normat e interesit në treg, në mënyrë që të krijojë kushte për të garantuar sasinë e kërkesës dhe ofertës së ekonomisë për mallra dhe shërbime. Sipas projeksioneve të Bankës së Shqipërisë inflacioni pritet të rikthehet në objektiv në fundit të vitit 2023./abcnews.al
