Rritet numri i viktimave dhe të infektuarve në Greqi, rekord pacientësh në intubim

Në 24 orët e fundit në Greqi janë shënuar 52 viktima nga koronavirusi, 3 më shumë se dje.

Numri i të vdekurve nga pandemia në total ka shkuar në 7038. 95.8% kishin një sëmundje tjetër ose ishin 70 vjeç e lart.

Ndërkohë që numri i rasteve të reja është 2512 duke pësuar rritje krahasuar me të premten që ishin 2405.

Një rekord i ri negativ u regjistrua sot për numrin e pacientëve të intubuar, si asnjëherë më parë këtë vit. 545 pacientë po trajtohen të intubuar, nga të cilët 67.5% janë burra./ db/ Abcnews.al