Infektimet me COVID kanë shënuar rritje këtë të premte krahasuar me një ditë më parë. Ministria e Shëndetësisë raporton se nga 3700 testime të kryera, 631 qytetarë kanë rezultuar të infektuar. 4 qytetarë të moshave 62-86 vjeç, e kanë humbur betejën me virusin në 24 orët e fundit.
“Me gjithë përpjekjet e mjekëve, në 24 orët e fundit ka 4 humbje jete me Sars-Cov2 pozitiv: dy qytetarë nga Tirana të moshave 62-86 vjeç, një qytetare nga Durrësi 80 vjeçe, një qytetar nga Korça 80 vjeç“, raporton ministria.
Tirana vijon të ketë një numër të lartë infektimesh. 631 qytetarët që kanë rezultuar pozitivë me COVID janë në këto bashki: 293 në Tiranë, 39 në Durrës, 33 në Fier, 30 në Sarandë, 27 në Elbasan, 19 në Kamëz, nga 16 qytetarë në Gjirokastër, Lushnje, 14 në Berat, 12 në Korçë, nga 11 qytetarë në Vlorë, Patos, 10 në Bulqizë, 9 në Shkodër, nga 8 qytetarë në Kukës, Krujë, 6 në Këlcyrë, nga 5 qytetarë në Gramsh, Dimal, Mallakastër, Kavajë, Lezhë, nga 4 qytetarë në Tropojë, Divjakë, Libohovë, nga 3 qytetarë në Pogradec, Rrogozhinë, Vorë, Shijak, Kurbin, nga 2 qytetarë në Dibër, Mat, Devoll, Peqin, nga 1 qytetar në Librazhd, Skrapar, Kolonjë, Memaliaj, Dropull, Delvinë, Has, Pukë, Vau i Dejës.
Aktualisht në spitalet COVID po marrin trajtim 167 pacientë, nga të cilët 14 janë në gjendje më të rënduar. Në të gjithë vendin janë 7,827 pacientë aktivë me COVID19. Gjatë 24 orëve të fundit janë shëruar 580 qytetarë, duke e çuar numrin e të shëruarve në 177,219 që nga fillimi i epidemisë. Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve.
“Çdo qytetar mbi 16 vjeç, mund të vaksinohet në qendrën shëndetësore ose në pikën më të afërt të vaksinimit të përqëndruar. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet. Vaksinimi është i hapur edhe për fëmijët +12 vjeç me probleme të sistemit imunitar, me rekomandim nga mjeku. Gjithashtu ka nisur vaksinimi me dozën e tretë, sipas rekomandimit të mjekut të familjes. Nëse dyshoni se jeni i prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127“, apelon ministria.
Statistika (5 Nëntor 2021)
Raste të reja ditore 631
Të shëruar në 24 orë 580
Të shtruar në spitale 167
Humbje jete në 24 orë 4
Testime ditore 3700
Testime totale 1,322,841
Raste pozitive 187,994
Raste të shëruara 177,219
Raste Aktive 7,827
Humbje jete 2,948
Shpërndarja gjeografike e rasteve aktive sipas qarqeve:
Tiranë 4110
Fier 822
Durrës 475
Shkodër 474
Vlorë 422
Gjirokastër 362
Elbasan 345
Berat 249
Korçë 210
Lezhë 163
Kukës 115
Dibër 80
be.k/abcnews.al
