Rrëzoi për vdekje në tokë 80 vjeçarin, në kërkim 39 vjeçari

schedule13:33 - 23 Korrik, 2019

schedule 13:33 - 23 Korrik, 2019

80 vjeçari Zylyftar Kullësi ndërroi jetë në spital tre ditë pas dëmtimit që mori në kokë në momentin që u përplas për tokë nga 39 vjeçari A.Z.

Sipas policisë gjithçka ndodhi pas një konflikti të çastit për parkimin e automjetit.

39 vjeçari banor i plazhit ndodhej tek prindërit e tij në lagjen numër 2 Durrës ku ka nisur të debatojë me 80 vjeçarin.

Mësohet se i riu kishte parkuar automjetin pranë portës së hyrjes së shtëpisë së 80 vjeçarit.

Ky i fundit kishte kërkuar të hiqte makinën, por për t’ju larguar sherrit 39 vjeçari e ka shtyrë të moshuarin i cili gjatë rënies ka pësuar edhe goditjen në kokë.

Ai u transportua në Spitalin e Traumës, Tiranë dhe ditën e sotme ka ndërruar jetë.

Ndërsa 39 vjeçari u shpall në kërkim për veprën penale “Plagosje e rëndë me dashje, me pasojë vdekjen”. /abcnews.al