Në evente të tilla të mëdha si ndeshja e Conference League mes Romës dhe Feynoord, hyn në lojë edhe astrologjia.
Astrologia e njohur shqiptare, Meri Shehu, ka ‘lexuar’ yjet dhe ka treguar se kush fiton.
Sipas saj, e favorizuar për ta fituar ndeshjen e sotme është skuadra e Feyenoord pasi skuadra hollandeze e Rotterdamit i përket shenjës së Gaforres.
Planeti i Jupiterit, thotë Meri do i japë fitoren holandezëve ndërkohë që edhe Roma, skuadër e cila është nën shenjën e Binjakve do ketë shkëlqimin e vet.
Parashikimi sipas Merit:
”Është Mërkuri i kundërt dhe duhet patur kujdes. Kush do gabojë më pak do fitojë. Roma është skuadër në shenjën e Binjakëve dhe Mërkuri i kundërt e penalizon disi. Kurse Feyenoord është në shenjën e Gaforres dhe ka një lloj shkëlqimi. Edhe Roma ka shkëlqim se është Dielli në Binjak, por Gaforrja e ka aty ku duhet shkëlqimin. Roma duhet të jetë shumë e vëmendshme që ta kapë këtë energjinë e bukur të Diellit dhe të ketë kujdes mos t’ja marrë fitoren papritur Gaforrja, e cila ka Jupiterin në shtëpinë e 10, që është shtëpia e kurorëzimeve, fatit. Astrologjikisht kur një planet është në shtëpinë e 10 ti merr maksimalen në atë që reklamon, merr pushtetin, famën.”
