Trajneri i Leicester City, Brendan Rodgers, foli pas humbjes 0-4 kundrejt Liverpool. Strategu i “Dhelprave” nuk e fshehu zhgënjimin për këtë disfatë, si dhe pranoi se asnjë skuadër në Premier League, nuk mund ta ndalë furinë e kuqe të Liverpoolit.
“Për shkak se kemi bërë një sezon të shkëlqyer, skuadra ime është katapultuar shumë lart dhe të gjithë na konsideronin në luftën për titullin kampion.
Por dy ndeshjet e fundit kundër Manchester City dhe Liverpool, tregojnë se jemi ende një nivel më poshtë dhe duhet shumë punë që të arrijmë të rivalizojmë me kualitetin që këto dy skuadra kanë.
Liverpool ka cilësi të jashtëzakonshme, zhvilluan një ndeshje të shkëlqyer. Ishte e rrallë të gabonin, qoftë dhe në një pasim. Ata kanë dhe mentalitet fituesi, Klopp po bën një punë të shkëlqyer.
Ne kemi humbur dy ndeshje radhazi, ndërsa ata vazhdojnë të mposhtin këdo që u del përpara. Kështu që, mendoj se do ta fitojnë titullin kampion dhe as ne, dhe asnjë skuadër tjetër, nuk mendoj se do i ndalojë”, përfundoi strategu i Leicester City./abcnews.al
