Thiago Silva do të largohet në fund të sezonit nga PSG. Kapiteni është pjesë e kampionëve të Francës prej vitit 2012, por rinovimi nuk po vjen dhe ai do të jetë një lojtar i lirë në verë.
Për 35-vjeçarin është përfolur për një rikthimi te Milani, skuadër me të cilën ka mbetur shumë i lidhur. Disa klube të tjera europiane janë gati t’i ofrojnë një kontratë, por qendërmbrojtësi ka një tjetër ide në fjalët e thëna për SporTV.
“Dëshiroj të rikthehem te Fluminense. Është një nga momentet më delikate të karrierës time dhe klubi më ka hapur dyert. Mirënjohje e madhe për veprimin e tyre, herët apo vonë do e vesh përsëri fanellën e Fluminense”, deklaron Thiago Silva, i cili ka qenë pjesë e skuadrës braziliane në vitet 2006-2009. /abcnews.al
