“Rikthim sensacional”, Kukësit i ikën goditja e verës dhe në Mal të Zi ka festë

Aleksandar Milic është rikthyer në Mal të Zi dhe ka nënshkruar me Petrovac, ky është lajmi që vjen nga “Vijesti” në Mal të Zi. Mbrojtësi i djathtë konsiderohej si një nga afrimet më të goditura të Kukësit.

 

Gjithsesi duket se verilindorët nuk do ta gëzojnë 22-vjeçarin, që vjet ishte aktivizuar në 32 ndeshje si titullar me Zeta.

Nga ana e Kukësit nuk ka pasur asnjë komunikatë, por gjasat janë që të ketë pasur probleme për taksën e formimit.

Për Milic transferimi te Kukësi do të ishte lëvizja e parë jashtë Malit të Zi, ndaj edhe sipas rregullave të FIFA-s duhej zgjidhur problemi i “Training compensation”. /abcnews.al