“Rikthehet” shkurti, reshje dëbore dhe shiu gjatë fundjavës dhe të hënën, zonat që preken

schedule11:58 - 6 Mars, 2021

schedule 11:58 - 6 Mars, 2021

Fundjava do të karakterizohet nga ndryshime të mëdha të motit, të cilat kanë filluar që prej ditës së djeshme.

Siç bën me dije Meteoalb, pritet që gjatë orëve në vijim të ditës së sotme dhe të dielen të këtë reshje shiu dhe dëborë në zonën përreth basenit të Drinit.

Ndërkohë, në lartësitë 600 metra mbi nivelin e detit do të rikthehen reshjet e dëborës. Dëbora do të vijojë edhe gjatë së hënës duke kapur një trashësi nga 2 deri në 30 centimetër në zonat malorë me lartësi 600 metra mbi nivelin e detit.

Sasitë më të konsiderueshme të reshjeve të bores parashikohen në terrenet malore të pellgut të Fierzës (lugina e Drinit të Zi.

Moti pritet të përmirësohet gjatë të mërkurës dhe të enjtes duke patur reshje të pakta shiu në zona të izoluara të vendit. /abcnews.al