Shkrihen akujt e formuar nga Alfred Beleri, kryebashkiaku i zgjedhur, Ferdi Beleri. Këtë të hënë, mes kryeministrave të tjerë, erdhi dhe ai i Greqisë, Kirakos Mitcotakis, edhe pse nuk iu lexua një entuziazëm në fytyrë, në këtë momentet e para.
Por akulli shkrihej ndërsa temperaturat ngriheshin, nën një sfond për të bërë rajonin më të fortë ekonomikisht, por edhe më pas me shpalsojen e flamurit grek, mes atyre të Ballkanit Perëndimor.
Dy kryeministrat patën dhe një takim jo formal, veçmas. Nuk pati informacion zyrtar të bisedës mes tyre, por shefi i qeverisë greke, e tha këtë të hënë se do diksutonte me Ramën çështjen Beleri dhe do të kërkonte që ai betohet si kryebashkiak, me shpresën se cështja e tij do të zgjidhet miqësisht.
Sido që të shkojë kjo cështje në ditët në vijim, takimi në Samitin në Tiranë, tregon që është kapërcyer tashmë ngërçi i gushtit, kur Presidenti Begaj refuzoi kryeministrin grek, që organizoi një darkë informale me lider të BE dhe të rajonit, në Athinë.
Të dy vendet, ndoshta siç e deklaroi edhe shefi i qeverisë greke, duke rikthyer marrëdhëniet në normalitet, të mund të zgjidhin çështjet mes tyre duke biseduar, e jo duke qëndruar të distancuar, në llogore të ndryshme.
/abcnews.al
