Rikonstruktohet Drejtoria e Transportit Rrugor Elbasan

Falë rikonstruksionit të ambienteve të saj, Drejtoria Rajonale e Transportit Rrugor në Elbasan ofron tashmë kushte më të mira për qytetarët. Ministrja e Infrastrukturës dhe Energjisë, Belinda Balluku inspektoi ambientet e rikonstruktuara dhe theksoi se kemi një drejtori totalisht të rinovuar, e cila shërben si një nga drejtoritë model. Cilësia e shërbimit është e përmirësuar, por edhe kushtet në të cilat ofrohet shërbimi janë përmirësuar ndjeshëm, u shpreh Balluku. Ministria e Infrastrukturës dhe Energjisë bëri me dije se vlera e investimit bashkëkohor në Drejtorinë Rajonale të Transportit Rrugor në Elbasan kap vlerën e 40 milionë lekëve.