Reshjet e dendura të shiut që kanë përfshirë qytetin e Durrësit kanë bërë që në disa lagje të ketë prezencë të madhe uji. Kryesisht kjo gjendje është konstatuar në zonat periferike të qytetit bregdetar ku rrugët janë mbuluar nga uji. Ndërsa në segmentet kryesore situata nuk paraqitet problematike.
Por reshjet kanë krijuar vështirësi në qarkullim, ku trafiku paraqitet i rënduar në nyjat kyçe të qytetit.Vështirësi në lundrim kanë hasur edhe dy tragete e linjës Bari-Durrës.
Sipas kapitenerisë së portit, tragetet pritet të ankorohen me disa orë vonesë për shkak të detit të dallgëzuar, ku forca arrin deti në 7 balle.
Per arsye sigurie është kërkuar që anijet e peshkimit të bëjnë kujdes në lundrim, duke rekomanduar që të mos dalin në det. Ndërsa ato tregëtare vijojnë aktivitetin normalisht./abcnews.al
