Zhdukja e nëndetëses Titan pati një fund tragjik. Sipas të dhënave të fundit, një shpërthim u bë “varri ” për 5 personat në bord, 487 metra larg Titanikut. Kompania e operimit të zhytësit njoftoi të enjten se të pesë pasagjerët ishin të vdekur, në ditën e 5-të që kur u zhduk në oqean.
Regjisori i Titanikut, James Cameron, ka folur për lajmin tragjik të shpërthimit të nëndetëses “Titan”, i tronditur nga tragjedia. Regjisori, një i dashuruar i eksplorimit detar, ishte zhytur personalisht në rrënojat në mënyrë të përsëritur gjatë xhirimit të filmit të vitit 1997 që u bë një hit global, duke përfshirë çmimet e Akademisë me gjithsej 11 statuja të arta. Ai u ankua të enjten se “paralajmërimet” e përsëritura për sigurinë e nëndetëses së thellë, e cila pësoi një dekompresion katastrofik disa qindra metra larg rrënojave të linjës famëkeqe oqeanike, u shpërfillën, si rezultat i së cilës pesë persona humbën jetën, mes tyre “miku i tij”, Paul Henri Narzolet, kapiteni “legjendar” i nëndetëseve, të cilin e kishtenjohur prej “25 vitesh”.
“Jam i tmerruar për shkak të ngjashmërisë me katastrofën e Titanikut, kur kapiteni ishte paralajmëruar vazhdimisht se kishte akull përpara anijes, por ai lundroi me shpejtësi të plotë përpara në një zonë ajsbergu në një natë pa hënë”, tha Cameron gjatë një interviste.
Siç tha ai ishte një “tragjedi shumë e ngjashme, në të cilën paralajmërimet u shpërfillën” dhe u shpalos “në të njëjtin vend”: kjo është ” e pabesueshme “, këmbënguli regjisori i filmit Abyss. “Është vërtet surreale”, shtoi ai./abcnews.al
