Mund të konsiderohet pa dyshimin më të vogël, si “regjisori” i çdo aksioni, të “Aspirinave” të Bayern Leverkusen. Talenti gjerman, Florian Wirtz është kthyer në një protagonist të vërtetë nën drejtimin e teknikut Xabi Alonso, teksa deri më tani ka shkëlqyer, me skuadrën e tij, ku në 30 paraqitje, përgjatë gjithë kompeticionit ka shënuar plot 8 gola, teksa ka asistuar 16 të tjerë.
Të tilla performanca e kanë vënë 20-vjeçarin, në qendër të tregut të transferimeve, mirëpo sipas raportimeve më të fundit, të prestigjiozes gjermane “BILD”, Wirtz nuk dëshiron të largohet nga “Aspirinat”, të paktën deri në verën e vitit 2025, mirëpo duket se skuadra po ushtrojnë goxha presion për transferimin sidomos Bayern, mirëpo Leverukusen, nuk dëshiron ta transferojë lojtarin brenda Gjermanisë.
Nisur nga kjo situatë, në lojë ka hyrë kompania gjermane e veshjeve sportiva, “Adidas”, e cila është një kohësisht edhe sponsori kryesor i talentit të mesfushës, teksa në raportimet e mëtejshme të “BILD”, “gjigantët” e materialeve sportive po e shtyjnë “fantazistin” drejt transferimit te “Galaktikët” e Real Madrid, në verën e vitit 2025. /i.m /abcnews.al
