PSG nuk është dorëzuar dhe do të bëjë të pamundurën për të bllokuar largimin e Kylian Mbappe. Real Madrid qëndron pas dere dhe është gati t’i plotësojë çdo dëshirë yllit francez.
Të njëjtën gjë po tentojnë edhe kampionët e Francës. Kontrata e 21-vjeçarit me PSG-në përfundon në verën e vitit 2022 dhe drejtuesit e klubit janë gati t’i ofrojnë një rinovim faraonik.
Mundo Deportivo konfirmon faktin që sulmuesin e talentuar e pret një rrogë neto prej 50 milion eurosh në sezon. Shifra të jashtëzakonshme për një 21-vjeçar, por PSG mendon se kjo është e vetmja mënyrë për të penguar largimin e tij. /abcnews.al
