Të gjithë ata që dyshuan, duhet të kërkojnë ndjesë. E vërtetë, që iu desh pak kohë të ambientohej, por tani Kilian Mbappe është kthyer në liderin e vërtetë të Real Madrid.
Me sulmuesin francez në formë, skuadra e Ançelotit mundi me përmbysje 4-1 Las Palmas, duke marrë e vetme kreun e renditjes në La Liga.
Mbappe shënoi dy gola, ndërsa në 10 ndeshjet e fundit ka realizuar 7 të tillë.
Ishte ai që kthey entuaziazmin në tribunat e “Santiago Bernabeut”, pas epërsisë suprizë të miqve që në minutën e parë.
Përmbysja e madrilenëve u plotësua përpara pushimit.
Brahim Diaz dhe sërish Kilian Mbape siguruan përpara kohe suksesin e “Los Blankos”.
Në fraksionin e dytë, vendasit thelluan rezultatin me Rodrigo, ndërsa sistemi VAR I pengoi që ta ekzagjeronin, duke anuluar dy gola të tjerë për pozicion jashtë loje.
Gjithsesi, kjo nuk e zbehu suksesin e dyfishtë të Real Madrid, që përveç fitores merr edhe kryesimin e kampionatit spanjoll.
Madrienët përfituan nga ndalesa e rivalëve direktë të Atletiko dhe Barcelona, për t;u ngjitur në vendin e parë të klasifikimit me 46 pikë, dy më shumë se ndjekësit më të afërt.