Kryetari i Njësisë nr. 4 Ervin Goxhaj, ka reaguar në lidhje me pyetjen e tij drejtuar Kryebashkiakut të Tiranës Erjon Veliaj, në intervistën dhënë për ABC News me gazetarin Endri Xhafo.
Përmes një statusi në rrjetet sociale Goxhaj thotë se Bashkia e Tiranës i ka lënë në mëshirë të fatit qytetarët e kësaj njësie.
“Të jesh Kryetar Bashkie, do të thotë të jesh i të gjithë njerëzve pa dallim feje, gjinie, rrace e krahine, pa dallim nëse morën pjesë apo jo në farsën e “30 qershorit””, shkruan Goxhaj.
Goxhaj ka publikuar edhe disa video të qytetarëve të cilët thonë se Bashkia e Tiranës nuk i ka ndihmuar në hallet e tyre.
Sipas Goxhajt, PD dhe ai vetë “po ndihmon sa mundet pa propagandë, pa kamera, pa dallime partie apo ngjyre lëkure…”
Postimi i plotë:
“Griselda” dhe mjerimi në Njesinë 4
Në emisionin e gazetarit Endri Xhafo në “abc news” ishte Kryetari mashtrues i Bashkisë Tirane.
Nisur nga njohja personale me gazetarin i nisa një sms në lidhje me mjerimin dhe skamjen në të cilën ndodhet Njësia 4 e Bashkisë Tiranë, por kryetari i pazgjedhur i saj u përgjigj për Degën 4 të Partisë Demokratike, jo për qytetarët që ka lënë në mëshirë të fatit.Sms-ja ime e sinqertë buronte nga dhimbja që ndjej çdo ditë tek takoj njerëzit e Njesisë Bashkiake 4 e jo te “deges së PD” e as të “bregut të lumit” sic pafytyrësisht u shpreh Kryetari mashtrues.
Të jesh Kryetar Bashkie, do të thotë të jesh i të gjithë njerëzve pa dallim feje, gjinie, rrace e krahine, pa dallim nëse morën pjesë apo jo në farsën e “30 qershorit”.Sa për PD, ne po ndihmojmë sa mundemi, pa propagandë, pa kamera, pa dallime partie apo ngjyre lëkure…
Unë jetoj cdo ditë këtu, rris fëmijët e mi bashkë me ta, e jam krenar që jam përfaqësues i tyre, ashtu sikurse ndjej detyrimin që të jem zëri tyre.
Duke qenë se fjalët e shumta janë “erionllëk”, po të nis hallet e sotme të banorëve të Njesisë 4 të Bashkisë që refuzon të drejtosh. Janë hallet e sotme dt. 1 maj 2020, që asnjë media që paguhet nga “erionllëku” nuk i jep, sepse gazetaret që do të duhej të të gjurmonin këmba-këmbës i ke blerë dhe “erionistuohen” nëpër ndërmarrjet që duhet të ishin të këtyre hallexhinjve të mjerë!Dëgjoji!./abcnews.al
https://www.facebook.com/ervin.goxhaj.7/videos/2585790288344782/
