Mbrëmjen e djeshme Barcelona fitoi me shumë vështirësi dhe shkoi në finalen e Superkupës së Spanjës falë goditjeve të penalltive.
Katalanasit po kryesonin me shifrat 1-0 deri në minutën e 50, kur Frenkie De Jong preku një top me bërryl në zonë, pas krosit të Oyarzabal.
Arbitri e akordoi penallti atë rast dhe e gjithë kjo ka ngjallur polemika. Në fakt shumica e specialistëve e konsiderojnë si penallti të rregullt, por polemikat qëndrojnë kur bëjmë një krahasim.
I njëjti gjyqtar, Jose Luis Munuera, në një rast thuajse identik në një ndeshje të Real Madrid nuk ka akorduar penallti.
Yo con lo que alucino es que a De Jong se le señale penalti por esa mano y ese mismo arbitro dictamine lo contrario en la jugada de Ramos frente al Eibar 😪 pic.twitter.com/nryici0WTG
— Ne (@ne1980) January 14, 2021
Ishte ndeshja Eibar-Real Madrid në dhjetorin e kaluar dhe Sergio Ramos preku pastër me bërryl sferën në zonë, por gjyqtari vazhdoi lojën dhe nuk pranoi as ta shikonte në VAR.
Ishte minuta e 85-të dhe shifrat mund të shkonin 2-2. Pikërisht këtë episod prek Mundo Deportivo, duke kritikuar gjykimin me dy standarde të gjyqtarit. /abcnews.al
