Loading ...
Shtetet e Bashkuara duhet të kryejnë deri në 200 milion teste çdo muaj edhe vitin e ardhshëm për të mbajtur nën kontroll pandeminë, sipas ekspertëve.
Kjo është shumë përtej kapacitetit aktual, por janë duke u zhvilluar teste të reja të shpejta, sipas raportit nga Fondacioni Rockefeller dhe Qendra Duke-Margolis.
“Sipas analizës tonë, SHBA ka të ngjarë të ketë nevojë për një numër shumë të madh të të gjitha llojeve të testeve Covid-19 deri në vitin 2021 për të mbajtur nën kontroll pandeminë. “Kapaciteti i testimit është duke u përmirësuar, por duhen ndërmarrë hapa të tjerë nga qeveria, bizneset dhe rregullatorët.
“Duke pasur parasysh rritjen e rasteve në SHBA, do të nevojiten 200 milion teste çdo muaj për studentët, stafin në shkollat fillore dhe të mesme të vendit, banorët dhe stafin që punon në azile në mënyrë që këto vende të rihapen në mënyrë të sigurt dhe në faza,” shkroi ekipi. s.ba/abcnews.al
