Duke ironizuar në rrjetin social Facebook të gjithë ata që i përqeshin projektet 3D të rrugëve për të cilat inauguron nisjen e punimeve.
Nga kantieri i asaj Delvinë – Kardhiq, kryeministri Edi Rama, në fjalimin e tij të shkurtër ndryshe nga sa ia do zakoni, pjesë dërrmuese ia dedikoi qeverisë “Berisha”.
“Finalizojmë një proces të gjatë për rrugën Devinë-Kardhiq jo vetëm është premtuar, por ka pasur inagurime që në 2007, gjithë gjatësia e rrugës është përfshirë në 10 mijë km rrugë të saliut. Na u desh nje mandat për të hequr malin me borxhin që na lanë”.
Rruga do të ndërtohet me një projekt plotësisht të ri, theksoi ai, i cili do të jetë tregues i standartit europian sipas Kryeministrit Rama.
“Ndërsa tuneli dhe pjesa që lidh Delvinën me Sarandën po bëhen tani pasi nuk ishin parashikuar fare”.
Ditë të shënuar e quajti edhe ministri i infrastrukturës Gjiknuri nisjen e këtyre punimeve. Kjo rrugë jo vetëm i shërben qytetarëve por do të furnizojë edhe turizmin në shqipëri i cili me realizimin e aeroportit në Sarandë zhvillon potencialin ekonomik të zonës, theksoi ai./abcnews.al
