Loading ...
Brigjet e lumit Vjosë, zemra e Parkut Kombëtar, preferohet nga turistë vendas dhe të huaj. Kryeministri i vendit, Edi Rama, ka publikuar pamje nga turistë, të cilët po shijojnë natyrën buzë lumit të Vjosës.
“Plazh në Vjosë”, shkruan Rama.
Me rrjedhën e saj të lirë përmes kanioneve, pyjeve të dendur dhe fushave të gjelbra, Vjosa është cilësuar si lumi i fundit i egër në Europë.
Kjo veçori e bën atë një magnet për turistët që kërkojnë autenticitet, biodiversitet dhe aktivitete të qëndrueshme në natyrë.
Autoritetet shpresojnë që përmes promovimit dhe ruajtjes së Vjosës si Park Kombëtar, Shqipëria të kthehet në një destinacion model për ekoturizmin në Ballkan dhe më gjerë.
