Rreth 400 të rinj nga veriu i vendit studiojnë në degë të ndryshme në shkollën profesionale të Rrëshenit. Hoteleri turizëm, elektroteknikë, informatikë, shërbime mjetesh e transporti, instalues sistemesh hidrosanitare.
“Shën Jozefi punëtor” është hapur falë angazhimit të kishës katolike.
Rama: A keni konvikt?
Dom Gjergji: Kemi konvikt, por vijnë dhe me transport të përditshëm.
Nevojat për të mësuar në këtë shkollë janë më shumë se kaq. Për të zgjeruar kapacitetet e shkollës dhe për të krijuar kushte optimal për nxënësit qeveria dhe kisha katolike do të përfshihen në partneritet publik privat.
Rama: Ju thoni se ekziston potenciali I zgjerimit.
Dom Gjergji: Shpesh kurset mbyllen menjëherë.
Shkolla do të certifikojë dhe zanatçinjtë pa diplomë.
Interesi është zgjuar pasi pjesa më e madhe e nxënësve të kësaj shkollë punësohen ende pa mbyllur studimet.
Fillimisht kjo shkollë ka funksionuar si qendër e formimit profesional, prej tete vitesh, ku janë certifikuar rreth 900 kursantë.
Aktualisht nxënës të kësaj shkollë janë djem dhe vajza nga Kurbini, Lezha, Fushë-Kruja, Mati, Kukësi, Bulqiza dhe Dibra.
/abcnews.al
