Kryeministri Rama zhvilloi një vizitë në qytetin e Laçit ku inspektoi punimet për rikonstruksionin e infrastrukturës arsimore, duke nisur nga kopshti. Kreu i Qeverisë premtoi se investimet do të vijojnë vitin e ardhshëm jo vetëm në arsim por edhe në infrastrukturën shëndetësore.
Rikonstruksioni i kopshtit më të madh të Laçit, ai i shkollës 9-vjeçare si dhe rehabilitimi i plotë i gjimnazit, kanë kompletuar ringritjen e infrastrukturës arsimore të këtij qyteti, në të cilën nuk ishte vënë dorë prej shumë vitesh, siç i treguan Kryeministrit Rama drejtuesit e këtyre institucioneve.
Gjatë inspektimit të këtyre investimeve, kreu i Qeverisë shoqërohej nga ministrja e Arsimit, Lindita Nikolla.
Nga Laçi, Kryeministri përsëriti se investimet e parashikuara në buxhetin e vitit të ardhshëm do të vijojnë jo vetëm infrastrukturën arsimore por edhe atë shëndetësore.
Gjatë vizitës në Laç, Kryeministri Rama inspektoi edhe punimet e kryera në qendër të qytetit, në kuadër të projektit të Rilindjes Urbane./abcnews.al
https://youtu.be/EC7Fp4EVuu0
