Kryeministri Edi Rama zhvilloi të dielën një takim me shqiptarët në Milano në Itali.
Mijëra emigrantë shqiptarë iu bashkuan këtij takimi, duke ‘veshur’ Milanon kuqezi. Këtë të hënë, Rama ka ndarë një video në Facebook nga momentet më të veçanta të këtij takimi me bashkëkombasit.
“MIRËMËNGJES dhe me këtë videokartolinë nga dallga kuqezi e shqiptarëve të Italisë, shembëlltyrë e kohës së re që ka ardhur për Shqipërinë e për shqiptarinë, ju uroj një javë të mbarë”, shkruan Rama bashkangjitur videos së publikuar.
