Rodrigo De Paul është një nga yjet e mëdhenj të Serie A, por që ende nuk e ka bërë hapin e madh për të kaluar në një klub të madh dhe synuar suksese madhore.
Mesfushori i Udinese duket se është gati ta bëjë këtë dhe ka bërë lëvizje konkrete në këtë drejtim. Mësohet se ai ka ndërruar agjent dhe menaxhimin e tij e ka marrë një ekspert si Mino Raiola.
Italiani njihet për aftësitë në transferimet e lojtarëve në klube të mëdha dhe pritet të ndihmojë edhe De Paul të lërë Udinesen dhe ta kalojë në një nga të mëdhatë e Italisë, apo Premier League.
#RomeoAgresti: "Rodrigo #DePaul a l'ambition de faire un grand saut : il change d'agent, Mino Raiola. C'est à surveiller, la #Juve est appeler à tenter sa chance. #Conte l'aime beaucoup". pic.twitter.com/uc5G9WO6vm
— Elvin (@Elvin_JFC) December 24, 2020
Gazetari Romeo Agresti raporton se për 26-vjeçarin interesohen Interi dhe Juventusi. Vlera e mesfushorit sipas Transfermarkt është 30 milionë euro, e përballueshme nga të dy klubet. /abcnews.al
